الاتنين جاهزين الاتنين حلوين. بديع محتار و الشاطر شكله مصمم ينزل و مرسي بيسخن، تفتكروا هييجي اليوم اللي بديع يقول فيه للشاطر 'ايه فيه ايه تغيير يعني تطلع بره' و ينزل مرسي فيجيب جون في الشعب؟ مرسي استبن للشاطر عشان الظروف محنا في ثورة بقي و مفيش حاجة مضمونة؛ نزل اتنين عشان لو واحد جراله حاجة التاني يكمل. و الدعايا تبقي الشاطر هو الحل و مرسي برضه الحل و ممكن نلاقي بوسترات للشاطر و في مربع صغير فوق صورة لمرسي أو ممكن البوستر يبقي وشه الشاطر و ضهره مرسي 'دابل فاس' يعني ، و نلاقي بوستر للشاطر مكتوب عليه مهندس مشروع النهضة فمرسي يزعل فيعملوله واحد مكتوب عليه صنايعي مشروع النهضة. و مرسي يحاول يثبت نفسه عشان بديع يرضي عنه فيروح ياخد كورسات نفاق و كدب فيلاقي الشاطر هو اللي بيدرس فييأس و يقتنع انه مفيش فايدة في انه ينزل أساسي غير لو الشاطر حصله حاجة. و أدينا قاعدين في المدرجات مستنيين بديع و تشكيلته و متوقعين مهزلة تحكيمية و يا خوفي من نزول الجماهير الي أرض الملعب !
No comments:
Post a Comment